भारत आणि ऑस्ट्रेलिया यांच्यातील कसोटी मालिकेतील पहिला सामना नागपुरात खेळवला जात आहे. या सामन्यासाठी ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. केएस भरत आणि सूर्यकुमार यादव टीम इंडियाकडून पदार्पण कसोटी सामना खेळत आहेत. या दोन्ही खेळाडूंची आतापर्यंतची कामगिरी शानदार आहे. त्यांचा डेब्यू मॅच पाहण्यासाठी सूर्या आणि भरतचे कुटुंबही तिथे पोहोचले आहे. दरम्यान, सूर्याची पत्नी देविशा शेट्टी आणि भरतची पत्नी अंजली एकत्र दिसत आहेत.
भारतीय संघाचा खेळाडू केएस भरतने देशांतर्गत सामन्यांमध्येही स्वत:ला सिद्ध केले आहे. तो आंध्र प्रदेशकडून खेळतो. यष्टिरक्षक फलंदाज भरतने प्रथम श्रेणी सामन्यांमध्ये 9 शतके आणि 27 अर्धशतके झळकावली आहेत. त्याने लिस्ट ए मध्ये 6 शतके आणि 6 अर्धशतके केली आहेत. त्याची चांगली कामगिरी लक्षात घेऊन त्याचा भारतीय कसोटी संघात समावेश करण्यात आला. त्याचा डेब्यू मॅच पाहण्यासाठी भरतचे कुटुंबीयही आले आहेत. सूर्यकुमारची पत्नी देविशासोबत त्यांची पत्नी अंजली दिसली.
भारतीय T20 संघासाठी चमकदार कामगिरी करणारा सूर्यकुमार यादव आपला पदार्पण कसोटी सामना खेळत आहे. तो वनडे फॉरमॅटमध्येही खेळला आहे. सूर्यकुमारने टी-20 मध्ये 3 शतके आणि 13 अर्धशतके झळकावली आहेत. त्याचा डेब्यू मॅच पाहण्यासाठी पत्नी देविशासोबत कुटुंबही पोहोचले आहे. बीसीसीआयने सूर्या आणि भरतच्या कुटुंबाचा फोटो ट्विट केला आहे. त्यावर चाहत्यांच्या अनेक प्रतिक्रिया पाहायला मिळत आहेत. ट्विटरवर या फोटोला दीड हजारांहून अधिक लोकांनी लाईक केले आहे.
#सरयकमर #आण #कएसच #कटब #पदरपण #समन #पहणयसठ #आल #हत #बससआयन #फट #टवट #कल
