- भारत आणि ऑस्ट्रेलिया यांच्यातील चार कसोटी सामन्यांच्या मालिकेतील पहिला सामना नागपुरात खेळवला जात आहे
- नागपूर कसोटीत रवींद्र जडेजा आणि रविचंद्रन अश्विनची फिरकी जादू पाहायला मिळाली.
- कर्णधार म्हणून तिन्ही फॉरमॅटमध्ये शतके झळकावणारा रोहित पहिला भारतीय फलंदाज ठरला
भारत आणि ऑस्ट्रेलिया यांच्यातील चार कसोटी सामन्यांच्या मालिकेतील पहिला सामना नागपुरात खेळवला जात आहे. गुरुवारी (९ फेब्रुवारी) सामन्याच्या पहिल्या दिवशी रवींद्र जडेजा आणि रविचंद्रन अश्विन यांच्या फिरकीची जादू पाहायला मिळाली. यासह दुसऱ्या दिवशी कर्णधार रोहित शर्माने शानदार शतक झळकावले. सध्या या सामन्यात टीम इंडिया मजबूत स्थितीत आहे. भारताने ऑस्ट्रेलियन संघाला पहिल्या डावात 177 धावांत गुंडाळले. यासह भारताने दुसऱ्या दिवसाचा खेळ संपेपर्यंत पहिल्या डावात 7 बाद 321 धावा केल्या आहेत. भारताने पहिल्या डावात 144 धावांची आघाडी घेतली आहे.
जडेजाने पहिल्या डावात पाच आणि अश्विनने तीन बळी घेतले. यानंतर रोहितने 212 चेंडूत 120 धावांची खेळी केली. जडेजा ६६ आणि अक्षर पटेल ५२ धावांवर नाबाद आहे. दोघांनी आठव्या विकेटसाठी ८१ धावांची भागीदारी केली. अश्विननेही फलंदाजीचे योगदान दिले. त्याने 24 धावा केल्या. रोहित शर्मा, रविचंद्रन अश्विन आणि रवींद्र जडेजाच्या चमकदार कामगिरीला सचिन तेंडुलकरने एसएस राजामौलीच्या आरआरआरची जोड दिली.
सचिनने काय केले ट्विट?
सचिनने ट्विटरवर रोहित, अश्विन आणि जडेजाचे कौतुक केले आहे. टीम इंडियाशी असलेल्या RRR च्या संबंधाबद्दल त्याने लिहिले, “RRR… रोहित, रवींद्र आणि रविचंद्रन या त्रिकुटाने टीम इंडियाला या कसोटीत आघाडी मिळवून दिली आहे.” रोहितने शतक झळकावून संघाला आघाडी मिळवून दिली आहे. रविचंद्रन अश्विन आणि रवींद्र जडेजाने महत्त्वपूर्ण विकेट घेतल्या.
रोहितने इतिहास रचला
रोहितने १७ महिन्यांनंतर कसोटी शतक झळकावले आहे. शेवटच्या वेळी त्याने सप्टेंबर २०२१ मध्ये ओव्हलवर इंग्लंडविरुद्ध १२७ धावांची इनिंग खेळली होती. रोहितनेही ऑस्ट्रेलियासाठी शतक झळकावून इतिहास रचला. कर्णधार म्हणून तिन्ही फॉरमॅटमध्ये (कसोटी, एकदिवसीय आणि टी२०) शतके झळकावणारा रोहित पहिला भारतीय फलंदाज ठरला. यासह ही कामगिरी करणारा तो जगातील चौथा खेळाडू ठरला आहे. श्रीलंकेचा तिलकरत्ने दिलशान, दक्षिण आफ्रिकेचा फाफ डुप्लेसिस आणि पाकिस्तानचा बाबर आझम यांनी कर्णधार म्हणून तिन्ही फॉरमॅटमध्ये शतके झळकावली आहेत. रोहितने कर्णधार म्हणून वनडेमध्ये तीन शतके आणि टी-२० मध्ये दोन शतके झळकावली आहेत.
#सचन #तडलकरन #रहत #रवदर #आण #रवचदरन #यन #RRR #महटल #आह
