टीम इंडियाच्या वनडे मालिकेसाठी घोषणा, या खेळाडूला मिळणार कर्णधारपद, रोहितला नाही!

ऑस्ट्रेलियाविरुद्धच्या ३ सामन्यांच्या वनडे मालिकेसाठी भारतीय संघाची घोषणा करण्यात आली आहे. रविवारी दिल्ली कसोटी जिंकल्यानंतर भारतीय क्रिकेट नियामक मंडळाने (बीसीसीआय) संघाची घोषणा केली. सलामीवीर रोहित शर्मा मालिकेतील पहिल्या एकदिवसीय सामन्यात कर्णधारपदाची धुरा सांभाळणार नाही. खुद्द बीसीसीआयनेच ही माहिती दिली आहे.

संघाची घोषणा करण्यासोबतच बीसीसीआयने मालिकेतील पहिल्या वनडेत रोहित शर्मा कर्णधारपद स्वीकारणार नसल्याची माहिती दिली आहे. कौटुंबिक कारणांमुळे तो संघाचा भाग होऊ शकणार नाही. दरम्यान, अष्टपैलू हार्दिक पांड्या संघाचे नेतृत्व करेल. इशान किशनचा यष्टिरक्षक म्हणून संघात समावेश करण्यात आला आहे. रवींद्र जडेजालाही स्थान देण्यात आले आहे मात्र अश्विन संघात नाही. कुलदीप यादव आणि युझवेंद्र चहल या दोन्ही फिरकीपटूंना संघात संधी देण्यात आली आहे.

भारत आणि ऑस्ट्रेलिया यांच्यातील वनडे मालिकेतील पहिला सामना १७ मार्च रोजी मुंबईत खेळवला जाणार आहे. त्यानंतर दुसरा एकदिवसीय सामना 19 मार्चला विशाखापट्टणममध्ये तर तिसरा आणि शेवटचा वनडे 22 मार्च रोजी चेन्नईमध्ये खेळवला जाईल. याआधी मालिकेतील तिसरा कसोटी सामना इंदूरमध्ये १ मार्चपासून खेळवला जाणार आहे. या मालिकेतील चौथा आणि शेवटचा कसोटी सामना ९ मार्चपासून अहमदाबाद येथे सुरू होणार आहे.

रोहित शर्मा (कर्णधार), केएल राहुल, शुभमन गिल, चेतेश्वर पुजारा, विराट कोहली, केएस भरत (यष्टीरक्षक), इशान किशन (यष्टीरक्षक), आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, श्रेयस अय्यर. , सूर्यकुमार यादव , उमेश यादव , जयदेव उंदकट.