- पीएसजीने पेस डी कॅसलवर ७-० असा विजय मिळवला
- पीएसजी संघाने उत्तरार्धात आणखी तीन गोल केले
- कर्णधार मार्किन्होच्या अनुपस्थितीत एमबाप्पेने संघाचे नेतृत्व केले
पेस डी कॅसलविरुद्ध फ्रेंच चषक फुटबॉल सामन्यात फ्रेंच स्टार फुटबॉलपटू किलियन एमबाप्पेने पाच गोल केले. त्याच्या शानदार कामगिरीच्या जोरावर पॅरिस सेंट जर्मेनने ७-० असा विजय मिळवला. या सामन्यात एमबाप्पेने इतिहास रचला. पॅरिस सेंट-जर्मेनसाठी एकाच सामन्यात पाच गोल करणारा तो पहिला फुटबॉलपटू ठरला. पूर्वार्धात एमबाप्पेने हॅट्ट्रिक केली आणि या अर्ध्यानंतर पीएसजी संघाने 4-0 अशी आघाडी घेत सामना एकतर्फी केला. पीएसजी संघाने उत्तरार्धात आणखी तीन गोल केले.
एमबाप्पे व्यतिरिक्त, ब्राझिलियन स्टार्स नेमार आणि कार्लोस सोलर यांनी सहाव्या विभागातील पेस डी कॅसल विरुद्ध फेरी-32 सामन्यात पीएसजीसाठी प्रत्येकी एक गोल केला. कर्णधार मार्किन्होच्या अनुपस्थितीत एमबाप्पेने संघाचे नेतृत्व केले. या सामन्यात अर्जेंटिनाचा दिग्गज खेळाडू लिओनेल मेस्सीला विश्रांती देण्यात आली होती. PSG संघाचा सामना आता राउंड-16 मध्ये मार्सेल क्लबशी होणार आहे. पीएसजी संघाने 14 वेळा फ्रेंच कप जिंकला आहे. मार्सेल विरुद्धचा सामना ६ फेब्रुवारीला होणार आहे. एका आठवड्यानंतर, पॅरिस सेंट-जर्मेन चॅम्पियन्स लीग फुटबॉलमध्ये जर्मन चॅम्पियन बायर्न म्युनिकचे यजमानपद भूषवणार आहे. दोन्ही संघांमधील पहिल्या टप्प्यातील सामना प्री-क्वार्टर फायनलमध्ये खेळला जाईल. त्यानंतर मार्चमध्ये दुसऱ्या टप्प्यासाठी पीएसजी बायर्न म्युनिकच्या घरच्या मैदानावर जाईल.
#एमबपपचय #पच #गलन #पएसजसठ #इतहस #रचल #नमरसलर #परतयक #एक
